ქუთაისის მერიის ორგანიზებით ბავშვთა დაცვის დღისადმი მიძღვნილ ღონისძიებას წელს გაბაშვილის პარკმა უმასპინძლა.
ბავშვებისთვის პარკში გასართობი სივრცეები იყო მოწყობილი და სხვადასხვა აქტივობა გაიმართა. მათ შორის, ჩატარდა ქუთაისის საბავშვო სტუდიების კონცერტი.
კონცერტზე სამი სიმღერით წარსდგნენ საბავშვო-სატელევიზიო სტუდია «ენკი-ბენკი»-ს ქუთაისის ფილიალის პატარა ვარსკვლავები და მაყურებელთა მოწონებაც დაიმსახურეს. «ენკი-ბენკი» მაყურებლის წინაშე ასეთი რეპერტუარით წარსდგა:
- სიმღერა „ჩვენი ეზო“ — კომპოზიტორი გია მაჭარაშვილი, შემსრულებლები: ილია ხუჯაძე, მართა ხურციძე, ნენე კეპულაძე;
- სიმღერა „შემეგებეთ ღიმილით“ — კომპოზიტორი გიორგი ცაბაძე, შემსრულებლები: ლილე გიორგაძე, დეა სიმონია, თაკო კოტორეიშვილი;
- სიმღერა „შემოსულა გაზაფხული“ — შემსრულებლები:ბარბარე ჩიკვაიძე, ანასტასია და ნიტა სულაბერიძეები.
გარდა საბავშვო სტუდიების კონცერტისა, ბავშვებს შეეძლოთ, პარკში სხვადასხვა გასართობ აქტივობებში ჩართულიყვნენ და უფასო ატრაქციონებით ესარგებლათ.
აქვე აღვნიშნავთ, რომ უახლოეს დღეებში «ენკი-ბენკი»-ს სტუდიის ქუთაისის ფილიალის პატარები თბილისშიც მიიღებენ მონაწილეობას საბავშვო კონცერტსა და ტელეგადაცემაში, ხოლო სასწავლო წლის დასასრულს, ივნისის ბოლოს, სამ სატელევიზიო კლიპსაც გადაიღებენ ქუთაისში, რომელიც საბავშვო ტელეკომპანია «ენკი-ბენკი»-ს ეთერში გავა. წელიწადში, ფაქტობრივად, მინიმუმ 6 სატელევიზიო კლიპის გადაღება უწევთ პატარა ტელევარსკვლავებს და პოპულარობასაც პატარაობიდანვე ეჩვევიან.
