თბილისის მერიის ეკონომიკური განვითარების საქალაქო სამსახურის ორგანიზებით და „გასტრონომიისა და სოფლის ტურიზმის ასოციაციასთან“ პარტნიორობით, დამწყები შეფ-მზარეულებისთვის და სხვა დაინტერესებული პირებისათვის 24 სექტემბერს 8-დღიანი სემინარების ციკლი „სტუმარმასპინძლობის თბილისური დღეები“ დაიწყო. სემინარები და მასტერ-კლასები ძალიან მრავალფეროვანია და 1ოქტომბრამდე გაგრძელდება.
„სტუმარმასპინძლობის თბილისური დღეები“ -ს მონაწილეებისთვის სპეციალურად შედგენილი პროგრამა ასეთია:
2 4 სექტემბერს თბილისის გასტროტურს «თბილისური სტუმართმოყვარეობისა და ძველი ბაზრების ისტორია» უმასპინძლა დალილა ცატავამ, რომელიც გასტრონომიული მკვლევარი და ექპსერტი, და წიგნ „გასტრონომიული სიზმრები“-ს ავტორია.
25 სექტემბრის თემაა: თბილისური კერძების ისტორია და მასტერკლასები. ამ საკითხზე ბაზარი ორბრლიანის გასტრო სკოლაში მასტერ-კლასებს წარმართავენ ტრენერები: ქეთი კვიჭიძე (გასტრონომიული მრჩეველი და ექსპედიციების ავტორი, „გასტრონომიული და სოფლის ტურიზმის ასოციაციის“ თანადამფუძნებელი და მმართველი) და დადუნა ღლონტი (ბრენდ შეფი და გასტრონომიული ამბასადორი, „გასტრონომიული და სოფლის ტურიზმის ასოციაციის“ თანადამფუძნებელი);
26 სექტემბერს მულტიფუნქციურ ღვინის ჰაბში — „საძველე“ ღვინის შეფასების, ქართული კერძებისა და ქართული ღვინის შეხამების მასტერკლასებს სადეგუსტაციო კომისიის თავჯდომარე, „Anemos Wine School”- დამფუძნებელი, მეღვინე, ღვინის საერთაშორისო კონკურსების ჟიურის წევრი ანა გოდაბრელიძე უმასპინძლებს
28 სექტემბერს საკონდიტრო „Duchef” — საკონფერენციო სივრცეში ქართული დესერტების ისტორია და მასტერკლასები გელოდებათ ხათუნა ბაკურაძესთან ერთად (შეფ კონდიტერი, World Skill-ის ექსპერტი საკონდიტრო მიმართულებით, საკონდიტრო „Duuchef-ის“ დამფუძნებელი).
29 სექტემბერს ბაზარი ორბალიანის გასტრო სკოლაში თევზის და ზღვის პროდუქტების გასუფთავება და ტექნოლოგიას ირაკლი თოდაძე გაგაცნობთ ( Radisson Blu Tbilisi-ის აღმასრულებელი შეფი, „ბოკუზ დორ საქართველოს“ მთავარი ტრენერი).
30 სექტემბერს კი ბაზარი ორბალიანის გასტრო სკოლაში შეფი ბაპტისტ ბერნადეტი(Carrefour- ის მთავარი შეფი საქართველოში.
Ferrandi Paris Culinary School — კურსდამთავრებული) ხორცის გასუფთავებისა და ტექნოლოგიის მასტერ-კლასს შემოგთავაზებთ..
1 ოქტომბერს ბაზარი ორბალიანის გასტრო სკოლაში შოთა ლაგაზიძე (ენდემური ხორბლის სახეობების მკვლევარი, არტიზანული პურის „ლაგაზას“ დამფუძნებელი) პურისა და ქართული ხორბლის ისტორიას გაგაცნბთ.
სემინარების კურსის დასასრულს მონაწილეებს სერთიფიკატები გადაეცემათ. ცერემონიას სასტუმრო «მუზეუმი» უმასინძლებს.
