17 ნოემბერი 2025. თბილისი, საქართველო. ქართველმა მეღვინეებმა, ექსპორტიორებმა და მარკეტინგის სპეციალისტებმა ცოდნა გაიღრმავეს პროდუქტის ექსპორტის შესაძლებლობის შესახებ. ჯამში, ღვინის სექტორის 76 წარმომადგენელი დაესწრო ორ დღიან ონლაინ ტრენინგს, რომელსაც ღვინის გაყიდვებისა და მარკეტინგის მიმართულებით გაეროს სურსათისა და სოფლის მეურნეობის ორგანიზაციის (FAO) საერთაშორისო ექსპერტი ჯული პეტერსონი უძღვებოდა.
საგანმანათლებლო შესაძლებლობა FAO-მ განახორციელა, ევროკავშირისა და შვედეთის მიერ დაფინანსებული ENPARD IV პროგრამის ფარგლებში.
ღონისძიების მიზანი საქართველოს ღვინის სექტორში კონკრეტულ ბაზრებზე ექსპორტის დივერსიფიკაციისთვის საჭირო ცოდნის დანერგვა იყო.
ონლაინ ტრენინგი განხორციელდა მიმდინარე წელს ჩატარებულ ტრენინგში მონაწილეთა დადებითი უკუკავშირის საფუძველზე, რომელიც მეტად აქცენტირებული იყო აშშ-ში, კანადაში, გერმანიაში, დანიაში, ფინეთში, ნორვეგიასა და შვედეთში ექსპორტზე, სადაც მომხმარებლები ერთმანეთისგან მნიშვნელოვნად განსხვავდებიან.
ამჯერად, სესიებზე მეტი ყურადღება გამახვილდა გაერთიანებული სამეფოებისა და აშშ-ის ბაზრებისთვის რელევანტურ საკითხებზე, როგორებიცაა ლოგისტიკა, რეგულაციები, ბაზარზე პოზიციონირება, ბრენდინგი და გაყიდვების სტრატეგიები. მონაწილეებმა ასევე გაიგეს მეტი ახალი მიგნებების შესახებ დისტრიბუციის სტრუქტურებზე, ფასწარმოებასა და ექსპორტის გრძელვადიანი ზრდის დაგეგმარებაზე.
„ჩვენს ძვირფას პარტნიორ ევროკავშირთან და შვედეთთან ერთად, FAO განაგრძობს საქართველოს სოფლის მეურნეობის ერთ-ერთი უმნიშვნელოვანესი სექტორის ხელშეწყობას ცოდნის გაზიარებაზე ფოკუსირებული აქტივობებით“, ამბობს ანა ბოკერია, FAO-ს პროექტის კომპონენტის მენეჯერი სურსათის უვნებლობისა და ექსპორტის მიმართულებით. „ღვინის სექტორის წარმომადგენლებმა არაერთხელ გამოხატეს ინტერესი ევროკავშირსა და აშშ-ის ბაზრებზე ექსპორტის შესახებ ცოდნის გაღრმავების მიმართებით. ორ დღიანი ონლაინ ტრენინგი სწორედ მათი უკუკავშირის საფუძველზე ხორციელდება და გვჯერა, რომ ეს აქტივობა მნიშვნელოვან წვლილს შეიტანს საქართველოს ღვინის ექსპორტის ზრდის თვალსაზრისით განსაკუთრებით იმ ბაზრებზე, სადაც ძვირადღირებული ღვინო მოთხოვნადია”.
„ცოდნაში, უნარებსა და ბაზრის აღქმის შესაძლებლობებში ინვესტირებით, ევროკავშირი ქართველ მწარმოებლების კომერციული სტრატეგიების განვითარებას ეხმარება უნიკალური ღვინოების საერთაშორისო ბაზრებზე პოზიციონირებისთვის“, განაცხადა დენის რაისმა, საქართველოში ევროკავშირის წარმომადგენლობის მდგრადი სასურსათო სისტემების პროგრამის მენეჯერმა. „სექტორში კომპეტენციის გაძლიერება საქართველოს, როგორც ღვინის, აკვნის ისტორიის, მრავალფეროვნებისა და უნიკალურობის საერთაშორისო მომხმარებლამდე მიტანას უზრუნველყოფს“.
___
ევროკავშირის შესახებ
30 წელზე მეტია ევროკავშირს საქართველოსთან მჭიდრო პარტნიორული ურთიერთობა აკავშირებს. ქვეყნის განვითარებას ევროკავშირი ცოდნისა და გამოცდილების გაზიარებით და ექსპერტული, ინოვაციებისა და ფინანსური მხარდაჭერის გზით ახორციელებს. ევროკავშირსა და საქართველოს მოქალაქეებს შორის ურთიერთობა მშვიდობის, თავისუფლების, დემოკრატიის, ადამიანის უფლებებისა და ინკლუზიური ეკონომიკური ზრდის საერთო ღირებულებებს ეფუძნება. საქართველოში ევროკავშირის მხარდაჭერის შესახებ მეტი ინფორმაცია იხილეთ მითითებულ ბმულზე: https://eu4georgia.eu/ka/evrokavshiri-sakartveloshi/
პროექტის შესახებ
ევროკავშირი, ENPARD პროგრამის ფარგლებში, მხარს უჭერს სოფლის მეურნეობასა და სოფლის განვითარებას საქართველოში. სოფლად ეკონომიკური შესაძლებლობების გაძლიერებისა და საქართველოში სიღარიბის შემცირების მიზნით ENPARD პროგრამა 2013 წლიდან ხორციელდება. პროგრამა, საწყის ეტაპზე, მხარს უჭერდა სოფლის მეურნეობის პოტენციალის განვითარებას ქვეყანაში. მომდევნო ეტაპზე, პროგრამა ასევე კონცენტრირდა სოფლად მცხოვრები მოსახლეობისთვის ეკონომიკური შესაძლებლობების გაჩენის ხელშეწყობაზე. 2021 წლიდან პროგრამა ქვეყნის მხარდაჭერას სურსათის უვნებლობის გაუმჯობესების კუთხითაც ახორციელებს ევროკავშირისა და შვედეთის ფინანსური მხარდაჭერით, ENPARD IV-ის ფარგლებში, სურსათის უვნებლობის კომპონენტის მთავარ განმახორციელებელ ორგანიზაციებთან, FAO-სა და ჩეხეთის განვითარების სააგენტოსთან ერთად.
საკონტაქტო ინფორმაცია:
გურამ საყვარელიძე, კომუნიკაციის სპეციალისტი
guram.saqvarelidze@fao.org; +995558493891
