კონკურსი სამცხე-ჯავახეთში მცხოვრები ქალებისთვის

სასწავლო/ტრენინგ კურსში — „მეწარმეობის პრაქტიკული კურსი — საინვესტიციო წინადადების მომზადება და წარდგენა“ მონაწილეობის მისაღებად

შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატი, სსიპ ფინანსთა სამინისტროს აკადემიასთან და გაეროს ქალთა ორგანიზაციასთან (UN Women) თანამშრომლობით და სამცხე-ჯავახეთში სახელმწიფო რწმუნებულის ადმინისტრაციის მხარდაჭერით, აცხადებს კონკურსს სასწავლო/ტრენინგ-კურსში „მეწარმეობის პრაქტიკული კურსი — საინვესტიციო წინადადების მომზადება და წარდგენა“ მონაწილეობის მისაღებად სამცხე-ჯავახეთში მცხოვრები ქალებისთვის.

სასწავლო კურსის მიზანია მეწარმეობის შესახებ თეორიული ცოდნის ამაღლება და ბიზნესის წარმოების პრაქტიკული უნარების გაძლიერება.

ტრენინგში მონაწილეობის მიღება შეუძლიათ სამცხე-ჯავახეთში მცხოვრებ ქალებს:

• რომელთა ასაკი არის 18 წლის ზემოთ
• ვისაც სურს ბიზნესის დაწყება, აქვს მოტივაცია და გააჩნია ბიზნეს იდეა
• სასწავლო/სატრენინგო კურსი მოიცავს ინტერაქტიულ ლექციებს და პრაქტიკულ სავარჯიშოებს.
• ტრენინგ კურსის თემებია:
• ბიზნესის არსი და მისი დაგეგმვა;
• ბიზნეს იდეის შემუშავება და ვალიდაცია;
• ბიზნესის და პროდუქტის განვითარების ფაზები;
• ბიზნესის სახელის შერჩევა;
• ბაზრის ანალიზი;
• ბიზნეს-მოდელის შემუშავება;
• მოგების მარჟა და ნულოვანი წერტილის გამოთვლა;
• სტარტაპ ბიუჯეტი და დაფინანსების წყაროები;
• საინვესტიციო წინადადების მომზადება;
• ბიზნეს/სტრატეგიული კომუნიკაციები

ტრენინგ -კურსის ფორმატი ითვალისწინებს მონაწილეთა შეფასებას.

კურსის ბოლოს გაიცემა სერტიფიკატი. სერტიფიკატის მიღება დამოკიდებულია მსმენელის დასწრებასა და საბოლოო პრეზენტაციაზე.

კურსის ხანგრძლივობა: 40 საათი

პერიოდი: 16 ოქტომბერი — 10 ნოემბერი

ტრენინგის სამუშაო ენა — ქართული

კურსში მონაწილეობას მიიღებს 16 მსმენელი

ტრენინგები ჩატარდება ონლაინ რეჟიმში

კურსში მონაწილეობა არის უფასო

კონკურსში მონაწილეების შერჩევა მოხდება ორ ეტაპად:

პირველი ეტაპი:

მსურველებმა უნდა გამოაგზავნონ CV (მოკლე რეზიუმე) და სამოტივაციო წერილი (კურსში მონაწილეობის მოტივაცია და არსებობის შემთხვევაში, ბიზნეს იდეის მოკლე მონახაზი)

მეორე ეტაპი

• გასაუბრება

შერჩეული კანდიდატები გაივლიან გასაუბრებას ონლაინ რეჟიმში

რეზიუმე და სამოტივაციო წერილი გამოგვიგზავნეთ შემდეგ მისამართზე: press@smr.gov.ge

დამატებითი შეკითხვების შემთხვევაში მოგვმართეთ: 577 527799 (ლალი დევიძე)

გთხოვთ, სათაურის (subject) ველში მიუთითოთ კურსის დასახელება — „როგორ დავიწყოთ ბიზნესი“.

განაცხადის მიღების ბოლო ვადა: 12 ოქტომბერი, 2020 წელი