დღეს ბრიუსელში, ევროპარლამენტის საგარეო ურთიერთობათა კომიტეტმა საქართველოს მიერ ევროკავშირთან ასოცირების ხელშეკრულების განხორციელების შესახებ წლიური ანგარიში დაამტკიცა, რომელშიც საბჭოთა წარსულის კვლევის ლაბორატორიის საქმიანობის მხარდაჭერის და საბჭოთა ტოტალიტარული წარსულის როგორც რუსული დეზინფორმაციული დღის წესრიგის მნიშვნელოვანი იარაღის შესახებაა საუბარი.
ანგარიშში, რომელიც ევროპარლამენტის წევრმა და ესტონეთის ყოფილმა საგარეო საქმეთა მინისტრმა სვენ მიქსერმა წარმოადგინა და რომელსაც, რეზოლუციასთან ერთად, ევროპარლამენტის პლენარული სხდომა დეკემბერში დაამტკიცებს, ევროპარლამენტი:
„აღნიშნავს რომ რუსული პროპაგანდა ტოტალიტარულ წარსულსა და კომუნისტი ლიდერების კულტს გავლენის ინსტრუმენტად იყენებს; ხაზს უსვამს რომ ადგილი აქვს სტალინის განდიდებას; მათ შორის ძეგლების დადგმით, რაც ამახინჯებს კომუნიზმის სისხლიან და სასტიკ მემკვიდრეობას და შეურაცხყოფას აყენებს სტალინური ტერორის მილიონობით მსხვერპლს; მხარს უჭერს სამოქალაქო საზოგადოებას რუსულ დეზინფორმაციასთან ბრძოლაში, მათ შორის საბჭოთა წარსულის კვლევის ლაბორატორიის და მსგავსი ინიციატივების სახით.“
