„არაფორმალური განათლების ახალგაზრდული მულტიმედიური სასწავლო ცენტრი“ ახალდაბის მედიაკაფე „ლუტრეზი“-ში ამოქმედდა.
პროექტს ახორციელებს „სამოქალაქო საზოგადოებისა და მედიის განვითარების ინსტიტუტი — CSMDI“, რომელიც დაფინანსებულია „საქართველოს სტრატეგიული კვლევებისა და განვითარების ცენტრის CSRDG”-ს მიერ, პროექტის ფარგლებში „სამოქალაქო განვითარების ინიციატივა“, რომლის შესახებ დეტალური ინფორმაცია პრეზენტაციის სახით საზოგადოებას პროექტის დირექტორმა, ქალბატონმა ნატო გუბელაძემ, თავადვე წარუდგინა. ღონისძიებაში მონაწილეობდნენ ახალგაზრდები არამარტო ახალდაბიდან, არამედ — ბორჯომიდან და ახლომდებარე სოფლებიდან.
ახალგაზრდული მულტიმედიური სასწავლო ცენტრის პრეზენტაციას ესწრებოდნენ ასევე: ბორჯომის საგანმანათლებლო რესურსცენტრის ხელმძღვანელი იზოლდა ლომიძე, საქართველოს პარლამენტის სამცხეს მაჟორიტარი დეპუტატის ბორჯომის ბიუროს ხელმძღვანელი მარიამ სიმონიშვილი, ბორჯომის მუნიციპალიტეტის მერიის საზოგადოებასთან და მედიასთან ურთიერთობის სამსახურის მთავარი სპეციალისტი ნატა კოპაძე, მერიის კულტურის განყოფილების ახალგაზრდებთან ურთიერთობის მთავარი სპე-ციალისტი ლანა გიორგიძე, ქალთა ოთახის ხელმძღვანელი ნონა ლურსმანაშვილი,ახალდაბის საჯარო სკოლის დირექტორი მარინა ლომიძე, ბორჯომის მუნიციპალიტეტის მერის წარმომადგენელი ახალდაბაში ავთანდილ ცერცვაძე.
როგორც სასწავლო ცენტრის ხელმძღვანელმა, ნატო გუბელაძემ აღნიშნა, პროექტი 9 თვიანია და ამ ხნის მანძილზე ბორჯომის მუნიციპალიტეტის დაბა ახალდაბასა და მიმდებარე სოფლებში მცხოვრებ ახალგაზრდებს შესაძლებლობა ექნებათ, ექვს სასერთიფიკატო კურსს დაესწრონ, საკუთარი ინტერესების შესაბამისად. თითოეულ ჯგუფში შეირჩევა 10-12 მონაწილე და სულ გადამზადდება 50-60-მდე ახალგაზრდა.
სასერთიფიკატო კურსების თემატიკა ასეთია:
საბაზისო კომპიუტერული უნარების შესწავლა;
ლიდერობა/პრეზენტაციის უნარ-ჩვევები/გუნდის მართვა;
პიროვნული უნარების განვითარება, პროფესიული ორიენტაცია და კარიერული დაგეგმვა;
ფონდების მოძიებისა და პროექტის წერის მეთოდები;
ტურისტული გიდის მოსამზადებელი კურსი: — ექსკურსიათმცოდნეობა და გიდის ხელოვნება;
მულტიმედიური ჟურნალისტიკა.
პროექტით გათვალისწინებულია სწორედ იმ საჭიროებების უზრუნველყოფა, რაც ამ ასაკის ახალგაზრდებისათვის ხელმიუწვდომელია, სხვადასხვა მიზეზთა გამო. სასწავლო კურსებში მონაწილეობით, მოსწავლეები შეისწავლიან და აითვისებენ ისეთ უნარებს, რაც გაუადვილებთ პროფესიის არჩევას, კარიერულ დაგეგმვას და დასაქმებას.
სასრტიფიკატო კურსებში მონაწილეობის მსურველები შეგიძლიათ, დაუკავშირდეთ სასწავლო ცენტრის ხელმძღვანელს, ნატო გუბელაძეს:
მობილ: 599107794;
ელფოსტა:
csmdigeorgia@gmail.com
ეს მასალა მომზადებულია საქართველოს სტრატეგიული კვლევებისა და განვითარების ცენტრის“ მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში. მის შინაარსზე სრულად პასუხისმგებელია „სამოქალაქო საზოგადოებისა და მედიის განვითარების ინსტიტუტის CSMDI“ და შესაძლოა, რომ იგი არ გამოხატავდეს ევროკავშირისა და კონრად ადენაუერის ფონდის შეხედულებებს. პროექტს ახორციელებს კონსორციუმი კონრად ადენაუერის ფონდის (KAS) ხელმძღვანელობით შემდეგ არასამთავრობო ორგანიზაციებთან ერთად — საქართველოს სტრატეგიული კვლევებისა და განვითარების ცენტრი (CSRDG), ს მოქალაქო საზოგადოების ინსტიტუტი (CSI), კონსულტაციის და ტრენინგის ცენტრი (CTC), განათლების განვითარების და დასაქმების ცენტრი (EDEC) და ევროპული პოლიტიკის ინსტიტუტი (IEP).
